السلام عليكم ورحمة الله وبركاته
هقدملكم النهاردة طريقة عمل الخروب وهيطلع لذيذ جدا وبنفس الطعم إللي بتجيبوه من المحلات وهيكون طبعا أوفر بكتيييييير جدا
فوائد عصير الخروب:
- عصير الخروب من المشروبات الطبيعية التي تعمل على التقليل من نسبة الكولسترول بالدم، لاحتوائه على دهون قليلة الكثافة.
- يحمى عصير الخروب من الأمراض المختلفة وخاصة الأورام السرطانية، لاحتوائه على مضادات الأكسدة الطبيعية القوية.
- يحافظ على صحة العظام لاحتوائه على الكالسيوم، كما يفيد في الحفاظ على صحة الأعصاب ومعدل ضربات القلب.
- الخروب يحتوي على نسبة قليلة من الدهون والسكريات.
- يحتوي على البروتين والألياف الطبيعية التي تقوي الجسم.
المكونات إللي هنستخدمها لعمل 1 لتر :
- كوب خروب مجروش
- كوب سكر
طريقة العمل بالتفصيل :
- نجيب حلة وعلى نار متوسطة نحط السكر لوحده
- نستنى السكر لحد ما يتكرمل ويبقى لونه بني فاتح
- أول لما السكر يتكرمل ويبدأ يعمل فقاقيع كأنه هيغلي نضيف الخروب عليه
- نقلب الخروب مع السكر لمدة من 10 ل 20 ثانية تقريبا
- نحط لتر مياه على الخروب والسكر ونوطي النار على الأخر ونغطي الحلة
- نستنى لحد ما السكر يدوب خالص لمدة 5 دقايق تقريبا وبعدين نطفي النار
- نسيب الخروب في الحلة وهي مقفولة لمدة من نص ساعة لساعة
- نصفي الخروب ونعبيه في زجاجة ويتحط في الثلاجة لحد ما يسقع خالص
وبالهنا والشفا 😋